الانسحاب

كنت عايزك تعرفي

إن مهما العمر طول

حبك أنتي مش ناسيه

بس أسف لما أقولك

أني ح أقطع

أحلى درب مشيتي فيه

إني ح أنهي حلم عمرك

اللي عشتي تحلميه

إنني عارفه م البداية

إن دربي الشوك مالية

وإن فرحي بيكي ناقص

وإن دمعك في النهاية ح تنزفيه

اسمحيلي

أنسحب وأترك حياتك

وأبقى أحلى ذكرياتك

انسحابي مش هروب

من حب عشته

أو لأني غاوي أجرح ف القلوب

انسحابي عشان تعيشي

ويتولد جواكي نور وقت الغروب

انسحابي مش لأني بعت حبك

لا عشان

دربي تاه وسط الدروب

مهما دار بيا الزمان

أورماني الموج لشطه مش ناسيكي

همس حبك فيا باقي

نظرتك لمسة ايديكي

كل لمحات المحبه

اللي شايفها في عينيكي

اسمحيلي قبل ما امشي

أودعك

واطفي شمعات الحنين

وأقفل القلب اللي صارخ

وبين ضلوعي بات حزين

واسمحيلي احتفظ بالذكريات

عطر خدك

همس خدك

حتى لحظات الأنين

وأوعي إنك تكرهيني

أو تقولي عني خاين

غصب عني تهتي مني

ف ليل حزين

الوداع

الوداع يا همسة الحب الجميل

الوداع

الوداع يا حب عمري المستحيل