يوم لقانا

يوم لقانا

 بقلم / عرفه محمد

ويا موج البحر صوتك

كنت بأسمعهم نغم

تهمسي كلمة بحبك

تلمسي بكفك جروحي

تنتهي لحظة ألم

تبتدي دنيا جميله

بالفرح متشوقه

عارفه إن اليوم لقانا

وبالورود متشوقه

الطيور اللي ف سمانا طايره

تشهد الحب الجميل

وف غناها زقزقه

تنتهي وقت الأصيل

وأنتي والشوق جوه حضني

حلم عايش من زمان

النهارده الحلم فتح

زي وردة حب

لما بتحس بحنان

يا حبيبتي

حاسه شوقي

سامعه دقة قلبي بتنادي عليكي

شايفه عيني

الفرح جواها دنيا

لما بتقابل عينيكي

تحكي كلمة حب تاهت

بس عادت يوم لقانا

تترسم جواها صورتك

تشرح الأشواق هوانا

آه بحبك وأنتي عارفه

قد ايه حبك سكني

مالك الروح والفؤاد

حب عايش جوه مني

فوق شطوط الحب فارد

كل أحلام السنين

وأنتي موجة بحر هادي

ألمسك أزداد حنين

أحضنك نسمه رقيقه

جوه حضني مطرحك

تترسم بسمة عينيكي

تبقي فرحي وأفرحك