تيجة قسوتكِ

تيجة قسوتكِ

بقلم / عرفه محمد 

خلاص قلبي اللي حبك

ح يودع دنيتك

والطير اللي غنى

راح يهجر جنتك

يرحل يبعد بعيد

وح ينسى محبتك

ح ينسى ذكرى مره

وتدبل وردتك

يرويكي الشوق مرار

وتتبدل فرحتك

وتعيشي الليل وحيده

تتعذب مهجتك

قلبي ح يحب غيرك

وح يجرح عزتك

ويسّهر ليل عيونك

يواسيكي ف غربتك

تبكي الفرحة ف حياتك

والآهه ف غنوتك

غلطان أنا لو ح أسامح

أو أنسى غلطتك

وإزاي أنسى الأسيه

أو أحن لدمعتك

م خلاص داب الحنين

وإختارتي وحدتك

وتقولي ده كله ليه

ده نتيجة قسوتك