الاسم: عرفه 
ليه أنا بعند
بقلم / عرفه محمد
أيوه صحيح أنا ببعد عنك
لكن جوه القلب حنين
بعند نفسي قدام منك
وبعيد عنك
يبدأ لوم الروح والعين
تهرب مني الروح وتروح لك
يحضن صورتك نني العين
كل جوارحي بتشتاق ليكي
يفرح قلبي
وف دقاته غرام وأنين
دقه تقرب منك تفرح
دقه تلومني وتبعد عني
تبعد بدل الثانيه سنين
ليه أنا بعند ..؟
ليه أنا ببعد ...؟
ليه ما نكونش أتنين عاشقين ؟
متواعدين يجمعنا الشوق
وف أحلامنا متقابلين
أنا يا حبيبتي ح أقرب منك
وأحضن شوقك
وأبقى شروقك
اللي ف نوره متواعديين
كتبها عرفه في 07:47 صباحاً ::
لا يوجد تعليق