المؤمــــن
بقلم / عرفه محمد
جرحه بينزف وبيتبسم
أصله أتعود يرسم ف وجوهنا البسمات
أصله أتعود
م يردش لو مين قال هات
طول عمره عايش للناس
واللي يعيش للناس
عايش لو مات
متعود بيعين ملهوف
يبقى معاه ف وقت الأزمات
أسعد اوقاته بيقضيها
لما بيسجد ف الصلوات
لما بيشعر إنه قريب
م الواحد رافع السموات
لما بيسمع صوت قرأن
يرفع إيده بالدعوات
لما بيرسم ضحكه بريئه
لما بيمسح ف الدمعات
هو المؤمن ديما صابر
مهما يواجه من صدمات
أصله أتعلم إن الصدمه
مش حتكسر
لا بتزيد في صمود الذات
لما بيسكت أو يتكلم
بيميزه أجملها سمات
نوره ف وشه بيرسم هاله
نوره ف قلبه كما النجمات
بينور له طريق الخير
وبيسعده كل الوقات
ربي يا رب الناس والطير
عليّ إيماني يعلىَ مكاني
وسكنّي أعلى الجنات
عرفـــــــه محمـــد
كتبها عرفه في 11:50 صباحاً ::
4 تعليقات
في14,تشرين الثاني,2007 - 03:35 صباحاً, عاشقه الفردوس كتبها ... (غير موثّق)
ماشاء الله
اللهم اجعلك من المؤمنين الاقوياء الانقياء الاتقياء اللهم امين
في14,تشرين الثاني,2007 - 07:10 صباحاً, عرفه كتبها ...
اللهم أمين
شكرا سيدتي الفاضلة
بارك الله فيكي وحياكي
في21,كانون الثاني,2008 - 12:37 مساءً, احمد عرفة كتبها ...
واضح انك شاعر كبير ما شاء الله
ممكن تدخل وتقولي رايك في مدونتي
www.alonemido.maktoobblog.com
في23,كانون الثاني,2008 - 09:10 صباحاً, عرفه كتبها ...
السلام عليكم
أحمد عرفه
شكرا أخي الكريم على شهادتك تلك والتي أعتز بها
شكرا لزيارتك الطيبة
تحياتي